Konpainia

GOITIBERA Saioa Iribarren (Nafarroa) eta Ander Basalduak (Bizkaia) 2014ean sortutako antzerki konpainia da. Jacques Lecoq maisu frantsesaren pedagogiari amen eginez, Goitibera konpainiaren antzerkia mugimenduan gorputzean eta espazioan oinarritzen da. Euskarazko sorkuntzaren alde egiten dute apustu eta gai konprometituak lantzen dituzte drama eta umorea oso era organikoan nahastuz.

Ordurarte konpainiak 9 lan taularatu ditu eta hainbat sari irabazi:

SISIFOREN AMARRUA [Klownaldia, Donostia – 2014]
IZAR ETA ASTRO, maitasun istorio bat [Galdakao – 2014]
BELTXARGA BELTZA [Pabellon 6, Bilbo – 2015]
“I’M A REAL ARTIST” (Teatro a la Boina kolektiboarekin). Publikoaren saria Pabellon 6-ko antzerki arinaren IV. jardunaldietan [Pabellon 6, Bilbo – 2016]
YIJAAA!!! [Umore azoka, Leioa – 2019]
AMATXIK DIXIT Kriselu saria (euskarazko piezarik onenari) eta publikoaren saria Pabellon 6-ko antzerki arinaren VII. jardunaldietan [Pabellon 6, Bilbo – 2019]
KASILDA, bukatzen ez den sua [Teatro Coliseo, Eibar – 2021]
ZURI Kriselu saria (euskarazko piezarik onenari) eta aktore onenaren saria (Ander Basalduarentzat) Pabellon 6-ko antzerki arinaren IX. jardunaldietan [Pabellon 6, Bilbo – 2022]
ERAITSI SL [Umore azoka, Leioa – 2024]

SAIOA IRIBARREN

Iruñea 1983

Bartzelonan arte-terapia formakuntza egiten du “AEC”-en (2005-2008), klun formakuntza “El Timbal”-en (2004-2008) eta mugimenduan oinarritutako “Estudis de Teatre” eskolan antzerki fisikoa ikasten du (2008-2011).

2011n bere bi ardurak (artistikoa eta terapeutikoa) batzen ditu eta Theodora Fundazioan hasten da lanean ospitaleko pailazo bezala. “Dra. Sonrisa” gisa sei urtez Bartzelona, Badalona, Madril, Santander eta Bilboko ume eta nerabeak bisitatzen ditu.

Arte eszenikoen munduan Alain Vigneau, Nestor Muzo, Berty Tovías, Merche Ochoa, Angel Bonora, Harris Gordon, Titzina teatro, Christian Atanasiu, Aitor Basauri, Mamen Olias, Marcelo Katz, besteak beste izan ditu irakasle.

2014ean Goitibera antzerki konpainia sortzen du eta bertan aktore zein zuzendari eta idazle gisa lan egiten du. 2020tik hona Baratxinto Fest Pirinioetako arte jaialdia aurrera eramaten du.

ANDER BASALDUA

Bilbo 1984

Antzerkigile Algortarra. 2009an klun ikastaro batek arkitektura antzerkiagatik aldatzeko bultzada ematen dio, bere benetako bokazioari ateak irekiz.

Antzerki fisikoan (“Estudis de teatre Berty Tovías” 2010-2012) eta klunean (Emmanuel Tomé, Guillermo Angelleli, Cristina Martí, Marcelo Katz, Aitor Basauri…) trebatu egiten da Argentinan eta Katalunian batik bat. Bere sorterrira bueltatzean Euskal Herriko hainbat konpainiekin lan egiten du aktore gisa (Teatro paraíso, Markeliñe, Laurentzi producciones…).

2014ean Goitibera antzerki konpainia sortzen du eta 2020tik hona Baratxinto Fest Pirinioetako arte jaialdia aurrera eramaten du.

Aktorea baino antzerkigile ikusten du bere burua, konpainia propioa aurrera eramateak sorkuntza eszenikoaren alor guztiak jorratzeko aukera eskaini bai dio (aktore, idazle, zuzendari, ekoizle, eszenografo, banatzaile, diseinatzaile grafiko, jostun, sukaldari, arotz, iturgin…).